Vice-Primeiro Ministro, Ministro Coodernador dos Assuntos Sociais, Ministro do Desenvolvimento Rural e Habitação Comunitária, Eng. Mariano ASSANAMI Sabino, enkontru ho Organizasaun Naun Govenamental (ONG) Phychicosocial Recovery and Development in Timor-Leste (PRADET), ho nia parseiru servisu JSMP no ALFELA.

Koordenador PRADET, Manuel dos Santos, hatete, enkontru ohin ne'e ho objetivu atu komprementa no partilla informasaun kona-ba servisu sosial no justisa ne'ebe ONG tolu halo ona durante ne'e ba Vise-Primeiru Ministru, ne'ebe trata assuntu sosial atu apar progresu servisu ne'ebe halo ona.

Informasaun ne'ebe fo nudar informasaun advokativu atu oinsa Governu bele investe iha area sosial no justisa iha futuru.

Servisu espesial ne'ebe durante ne'e PRADET halo atendimentu ba violensia bazeia ba jeneru, vitima trafiku umanu, halo edukasaun sivika ba prevensaun violensia, no referal ba ema ho moras mental ba fasilidade saude atu bele atende.

Enkuantu Vise-Primeiru Ministru, orienta ONG hirak ne'e atu kontinua halo servisu sosial liu husi advokasia oinsà sosiedade bele hadok aan husi violensia ho forma oi-oin.

IX Governu Konstitusional liu husi Gabinete Apoiu Sosiedade Sivil (GASC), iha vontade kontinua apoiu ONG sira hodi hala'o ninia atividade sosial sira.

Agradese ba Sosiedade Sivil sira hotu ne'ebe durante ne'e sai ona parseiru diak ho Governu hodi hala'o servisu sosial sira povu nia leet.

Husu ba Sosiedade Sivil atu kontinua hala'o nia papel sai kontrolu sosial halo kritika no sujestaun ba Governu atu halo politika publika ne'ebe respeitu ba direitu umanus.